मन
एक पूर्ण कविता कोर्न नसकु, मलाई कविताको एक अंश लेख्न मन छ, मेरो जीवनलाई एक हास्यकथा, कथा पात्र हरिवंश लेख्न मन छ।
मेरै जिन्दगीमा एउटा चुटकुला लेख्न मन छ, जिन्दगीको रंगमंचमा सारा संसारको हाँस्य देख्न मन छ, कोरे होला जिन्दगीमा मैले हजारौं चित्रहरू, अब मलाई पनि एउटा जीवन लेख्न मन छ।
मलाई एउटा सानो सहर कोर्न मन छ, त्यही सहरमा बाँच्ने रहर कोर्न मन छ, छायो होला निराशा को बादल म माथी, मेरो सहर छेउ आशा को नहर कोर्न मन छ।
मलाई मेरो मन खोलेर हाँस्न मन छ, भोलिको चिन्ता नराखी एक पल बाँच्न मन छ, थामियो मेरो जिन्दगी धेरै समय सम्म, मलाई पनि सारा डर छाडी, छमछमी नाच्न मन छ।